Алматы облысында шөп өрті сөндірілді

Алматы облысы Еңбекшіқазақ ауданының Талдыбұлақ ауылынан 18 шақырым қашықтықта орналасқан таулы ауданда құрғақ шөп пен бұталар жанды, деп хабарлайды Azattyq Rýhy.

Өрт екі бөлек ошақта тұтанған

Оқиға орнына ТЖМ бөлімшелері жедел жеткенімен, жер бедерінің күрделілігі мен аумақтың өтуге қиындығы өртті сөндіру жұмыстарын айтарлықтай қиындатты. Тілсіз жаумен күреске ТЖМ мен орман шаруашылығынан барлығы 39 маман, 14 арнайы техника және 2 дрон жұмылдырылды.

Құтқарушылардың жедел әрі үйлесімді әрекетінің арқасында өрт толығымен сөндірілді. Оқиғадан зардап шеккендер жоқ.