Алматы облысында батпаққа батып кеткен көлік құтқарылды
Ол өзі шыға алмай, құтқарушыларды көмекке шақырған
Қапшағай су қоймасына жақын маңда жеңіл көлік батпақты жерге түсіп, шыға алмай қалған, деп хабарлайды Azattyq Rýhy.
Жүргізуші жердің батпақты екенін байқамай, тұтқырлы топыраққа кіріп кеткен. Өз бетінше шықпақ болған әрекеттерінен нәтиже шықпаған соң, көмекке құтқарушыларды шақырған.
Оқиға орнына жеткен құтқару бөлімі рельефтің күрделілігіне қарамастан, жоғары өтімді техниканы қолданды; Көлікті қауіпсіз жерге сүйреп шығарды; Зардап шеккендер жоқ.
Төтенше жағдайлар департаменті азаматтарды қазіргі қар еру және су тасу кезеңінде өте сақ болуға шақырады. Мамандар демалыс бағытын таңдағанда мына факторларды ескеруді сұрайды:
«Топырақтың күйі мен көліктің өтімділік мүмкіндігін дұрыс бағалау қажет. Әсіресе су айдындарының маңындағы топырақ қазір өте қауіпті», — деп ескертті мекеме өкілдері.
Көп оқылған
