Қазақстанда төрт күн ішінде тас жолдар 177 рет жабылған (ВИДЕО)

Желтоқсанның 12-16-сы аралығында Қазақстанның барлық тас жолдарында 177 рет шектеу енген, деп хабарлайды Azattyq Rýhy.

«ҚазАвтоЖол» компаниясы бұл шектеулер ең әуелі жүргізушілер мен жолаушылардың қауіпсіздігі үшін енгенін түсіндіріп отыр. Өйткені, бұл күндері елімізде ауа райы нашарлап, жел соққан, жолдарда көктайғақ орнаған.

«12-16 желтоқсан аралығында 177 рет уақытша шектеу енген. Былтыр бұл уақытта жолдар 39 рет қана жабылған еді. Кейбір күндері бір аймақта қатарынан бірнеше жол жабылды», - деп хабарлайды «ҚазАвтоЖол».

Дереккөзге сүйенсек, тас жолдарды жабу немесе ашу туралы мәселені Төтенше жағдайлар министрлігі мен Ішкі істер министрлігі бірге ауа райын ескере отырып шешеді.