ҚазАгро шаруаларға берілетін ақшаны Хоум Кредитке салып жіберген - Шпекбаев

Қазір квазимемлекеттік компаниялар бюджеттен алынған қаражатты екінші деңгейдегі банктердегі ұзақ мерзімді депозиттерге салып, пайда көруді әдетке айналдырған. Бұл туралы жемқорлыққа қарсы іс-қимыл агенттігінің төрағасы Алик Шпекбаев айтты.

«Жұмысты уақытында және сапалы орындамай, «пайда алу» мақсатын ғана көздеу мемлекеттік бағдарламаның іске асырылуына қауіп төндіреді. Бүгінгі күні Агенттік «ҚазАгро» - Аграрлық несиелеу корпорациясына қарасты ұйымға қатысты тергеу жүргізуде. Оның басшылығы заңсыз сыйақы алу үшін «Хоум кредит банкіндегі» депозитке ауыл кәсіпкерлерін жеңілдікпен несиелендіруге арналған 11 млрд теңгені салған»,- деді А.Шпекбаев.

Айта кетейік, бүгін Нұр-Сұлтанда кәсіпкерлердің  жемқорлыққа қарсы мәселелеріне арналған IV республикалық форумы өтіп жатыр. 

Абай Сейфулла, Нұр-Сұлтан