Үкімет экономиканың өсімін келесі жылы кемі 4% жеткізуге тырысады

2023 жылы Қазақстан экономикасының өсімі кемі 4% болады деген болжам бар. Бұл туралы Үкіметтің кеңейтілген отырысында министрлер кабинетінің басшысы Әлихан Смайылов мәлім етті, деп хабарлайды Azattyq Ruhy.

«2023 жылы экономиканың өсу қарқыны кем дегенде 4% болады деп болжаймыз. Жұмыссыздық 4,8%-ке дейін төмендеу керек», - деді Президенттің алдында баяндама жасаған ол.

Ал, биылғы көрсеткіш әрине, көңіл көншітпейді: Смайылов хабарлағандай, биыл қаңтар мен қараша аралығында экономиканың өсімі 2,7% деңгейінде болды. Инфляция рекордтық деңгейге – 19,6% жетті.