ШұғылҚазақстанда өткен тәулікте 678 адамнан коронавирус анықталды

«Кредитті төлей алатындарға ғана беру керек». Тоқаев Ұлттық банк жұмысын сынады

Мемлекет басшысы корпоративтік секторды несиелендіру көлемі төмендеп, тұтынушылық кредит көлемі өскенін айтты

Фото: ашық дереккөзден

«Корпоративтік секторды кредиттеу 80-70%-ға төмендеді. Шағын және орта бизнесті кредиттеу 18%-ға, ауыл шаруашылығын кредиттеу 48%-ға азайды. Ал тұтынушылық кредит 24%-ға өсіп кетті. Олардың 3/2 бөлігі кепілсіз берілген. Бұл қаржы саласында үлкен проблема бар деген сөз. Басқаша айтқанда, қаржы секторы – ауру», - деді Президент.

Мемлекет басшысы халыққа оңды-солды несие беруді тоқтатуды тапсырды.

«Кредитті кім қайтара алады, соған беру керек. Жеке тұлғаларға берілген несие 1 трлн 400 млрд теңгеге өсіп, 6,7 трлн теңгеге жетті. Олардың толық қайтарылуы өз алдына бөлек сұрақ. Ал заңды тұлғаларға берілетін несие 590 млрд теңгеге қысқарды»,- деді бұған байланысты ол.

Президент Ұлттық банк төрағасы Ерболат Досаевқа қаржылық тұрақтылықты қамтамасыз етіп, банк секторын шұғыл реттеуді тапсырды.

Абай Сейфулла, Нұр-Сұлтан