ШұғылҚазақстанда бір тәулікте 2549 адамнан коронавирус анықталды

Ашық ауада жұмыс істейтін нысандардар үшін жаңа жұмыс кестесі бекітілді - ДСМ

Тізімде жазғы алаңдар, асхана, стрит-фуд сияқты қоғамдық тамақтану нысандары бар

фото: kazpravda.kz

Денсаулық сақтау министрі Алексей Цой еліміз бойынша ашық ауада жұмыс істеп жатқан нысандарға қатысты жеңілдік шараларына рұқсат етілгенін айтты, деп хабарлайды Azattyq Rýhy тілшісі.

«Министрлік әлеуметтік-экономикалық нысандардың жұмысын шектеу шараларын жеңілдету шешімін қызметін ашық ауада жүзеге асыратын нысандар мен спорттық іс-шаралар өткізу, балаларды сауықтыру ұйымдарының қызметі бөлігінде қайта қарады. Бұл критерийлерге жаңа нысандар енгізілді, олардың қызмет ету тәртібі анықталды. Тізімде жазғы алаңдар, асхана, стрит-фуд сияқты қоғамдық тамақтану объектілері бар», - деді министр Үкімет отырысында. 

Министрдің айтуынша, «қызыл» аймақтағы ашық ауада істейтін нысандарға сағат 09:00-ден 20:00-ге дейін, «сары» аймақта 07:00-ден 24:00-ге дейін, «жасыл» аймақта - 07.00-ден түнгі 02.00-ге дейін жұмыс істеуге рұқсат етілді. Бұл ретте қоғамдық орындарға келушілердің саны 50 пайыздан аспауы тиіс. Көше тағамдары мен ашық аттракциондардың қызметіне шектеусіз рұқсат етілді.