Бектенов үкіметке бизнесмендерді жинап алып, не айтты

Бүгін премьер-министр Олжас Бектенов үкіметке ірі кәсіпкерлерді жинап, отандық кәсіпкерлер кеңесінің отырысын өткізді, деп хабарлады Azattyq Rýhy

Бектенов «жасыл жобаларды» несиелеуден түсетін кіріске төмен салық мөлшерлемесін енгізу, отандық тұқым шаруашылығын дамыту бойынша диқандарды ынталандыру шараларын жетілдіру, отандық аналогтар болған жағдайда импорттық тауарлар мен қызметтерді сатып алуды азайту мүмкіндігін қарастыруды тапсырды.

Кездесуді қорытындылаған президент алға қойған міндеттерге қол жеткізу үшін бизнесті экономиканың нақты секторын дамытуға белсенді тарту қажет екенін атап өткен.

«Мемлекет басшысы Қазақстанды жан-жақты жаңғыртуды белсенді жүргізуде. Экономикадағы өсім азаматтарымыздың тұрмыс сапасын жақсартуға тікелей әсер етуі маңызды. Сонымен бірге ірі бизнес әлеуметтік жауапкершілікті көрсетуі керек. Президент келесі жылды Жұмысшы мамандықтары жылы деп жариялағанын білесіздер. Бізде ірі кәсіпкерлер колледждерге қамқорлық жасап, мамандар даярлауға тиісті база құратын сәтті үлгілер бар. Бұл модель сонымен қатар бизнеске болашақ кадрларды дайындауға мүмкіндік береді. Жұмысшы мамандықтары жылы аясында мұндай тәжірибені жандандыру қажет», - деп атап өтті Олжас Бектенов.