Депутат кедендік төлем жүйесіндегі кемшіліктерді атады

Мәжіліс депутаты, «AMANAT» партиясы фракциясының мүшесі Бауыржан Смағұлов «Астана-1» АЖ Кедендік декларациялау жүйесінің жұмысын қайта қарауды ұсынды. Депутат кедендік төлемдердің шағын бизнес өкілдерінің қалтасына ауырлық түсіріп отырғанын айтты, деп хабарлайды Azattyq Rýhy.

«Кейінгі кезде сыртқы экономикалық қызметке қатысушылар заңсыз қосымша кедендік төлемдерге жиі шағымданатын болып жүр. Ал Қаржы министрлігінің Мемлекеттік кірістер комитеті бұл тәжірибені тәуекелдерді басқаруды бақылау жүйесін автоматтандырумен түсіндіреді. Сонымен қатар, тәуекел профильдерін құру кезінде іріктеу принципін ұстану қажет, ал бақылау кеден заңнамасының бұзылмағанын қамтамасыз етсе болғаны. Бірақ Мемлекеттік кірістер комитеті қағиданы бұзып отыр, ірі салық төлеушілерге келгенде ережені әлсіретіп, шағын кәсіпкерлерге қатаңдатып отыр», - деді ол.

Айтуынша, халықаралық тәжірибеде, шағын бизнестен айырылып қалу мемлекетке үлкен шығын келтірмейді, сондықтан оларға қауіптің неғұрлым адал критерийлері қолданылады.

Онымен қоса, Мемлекеттік кірістер комитеті деп аталатын уәкілетті мемлекеттік орган ірі бизнестің сыртқы экономикалық қызметіне бас қатыруды қойды. Бұл өз кезегінде бюджетке түсетін табыстың төмендеуіне әкелді.

«Астана-1» АЖ Кедендік декларациялау жүйесі мемлекеттік кірістер органдары анықтамаған және мерзімі өткеннен кейін есептен шығарылатын дәйексіз деректерді мәлімдейді. Нәтижесінде бюджетке келтірілген залал 2023 жылы ғана 2,5 млрд теңгені құрады. Мұның бәрі Кедендік бақылау шараларының тиімділігінің төмендеуіне әкеледі. Жоғары аудиторлық Палатаның мәліметтері бойынша соңғы үш жылда нысаналы индикатор 2021 жылғы 76,6% - дан 2022 жылы 65,6% - ға және 2023 жылы 64% - ға дейін төмендеді», - деді депутат.

Бауыржан Смағұлов аталаған мәселеге байланысты шешімдерді ұсынды.