Apple компаниясының Азиядағы серіктестері жұмысын тоқтатады

Apple компаниясы құрал-жабдықтардың жетіспеушілігіне байланысты Азиядағы серіктестерінің зауытында iPhone мен iPad шығаруды тоқтатты, деп хабарлайды Azattyq Rýhy.

Nikkei басылымының хабарлауынша, жыл сайын жаңа жыл қарсаңында Қытай фабрикалары 24 сағат жұмыс істеу режиміне көшеді. Алайда, 2021 жылы зауыттар 10 жылда алғаш рет өнім шығаруды тоқтатты. Енді Apple компаниясының өндіріс көлемі миллион дана гаджетке дейін қысқаруы мүмкін. Салдарынан компания миллиард доллар көлеміндегі табысынан айырылмақ. Қазір смартфон немесе планшетке тапсырыс бергендер оны 2022 жылдың басына дейін ала алмауы мүмкін.