ШұғылАлматыда ағаштарды заңсыз кескендерге қатысты қылмыстық іс қозғалды

Қазақстанның еңбек нарығына 18 млрд теңге қаржы бөлінеді

Қаржының елеулі бөлігі жалақыны жартылай субсидиялауға және жастар практикасына жұмсалады

Қай облысқа қанша қаражат бөлінетіні туралы

Қазақстан өңірлеріндегі еңбек нарығын дамыту үшін республикалық бюджеттен 18 млрд теңгеден астам қаражат бөлінеді. Бұл туралы LS хабарлайды.

«2020-2022 жылдарға арналған республикалық бюджет туралы» жобаға сәйкес, еңбек нарығына бөлінетін соманың басым бөлігі Түркістан облысына жұмсалады - 3,7 млрд теңге немесе 20,2%. 2 млрд теңгеден астам қаржы Қызылорда облысына, сондай-ақ 1 млрд теңгеден астам қаражат Ақтөбе, БҚО, СҚО, Павлодар облыстары мен Шымкент қаласына бөлінеді.  

Республикалық маңызы бар қалалардың арасында 1 млрд теңгеден астам қаражат алатын Шымкент қаласы ғана, ал Алматы мен Нұр-Сұлтан қалаларына 500 млн теңгеге жетер-жетпес ақша бөлінеді.

18 млрд теңгенің 12 миллиарды жалақыны жартылай субсидиялауға және жастар практикасына бөлінеді. Өйткені, 2020 жыл Қазақстанда Волонтер жылы деп жарияланды.