Тоқаев «Астана» халықаралық қаржы орталығының басқарушысын қабылдады

Президент тікелей және портфелді инвестиция тарту жұмыстарына ерекше тоқталды

Фото: akorda.kz

Мемлекет басшысы Қасым-Жомарт Тоқаев «Астана» халықаралық қаржы орталығының (АХҚО) басқарушысы Қайрат Келімбетовтің есебін тыңдады. Бұл туралы Ақорда баспасөз қызметі хабарлайды.

Кездесуде Мемлекет басшысының биылғы 1 қыркүйекте Қазақстан халқына арнаған жолдауын іске асыру және экономикалық өсімді қалпына келтіру мәселелері талқыланды.

Мемлекет басшысы тікелей және портфелді инвестиция тарту жұмыстары кезінде өңірлік үйлестірудің маңызына ерекше тоқталды.

Қайрат Келімбетов Президентке АХҚО-ның 2025 жылға дейінгі даму стратегиясына сәйкес АХҚО жұмысын жаңғырту жайын баяндады. Кездесу қорытындысы бойынша Қасым-Жомарт Тоқаев бірқатар нақты тапсырма берді.

Мақалада

#Қасым-Жомарт Тоқаев #Инвестиция #Қайрат Келімбетов #АХҚО

Алдыңғы жаңалық

Қаржы министрі жаңа заң жобасында квазимемлекеттік секторға қатысты қандай өзгерістер болатынын айтты