«ҚазМұнайГаздың» табысы жарты жылда 97%-ға кеміген

«ҚазМұнайГаз» Ұлттық компаниясы» АҚ-на 2020 жылғы бірінші жартыжылдықта түсім 2 254 млрд теңгені (5 570 млн АҚШ доллары) құрады, бұл 2019 жылдың осындай кезеңдегі көрсеткішінен 33,8%-ға төмен, деп хабарлайды Azattyq Rýhy тілшісі.

«Есепті кезеңде компанияның таза пайдасы 2019 жылғы бірінші жартыжылдықпен салыстырғанда 96,7%-ға төмендеп, 21 млрд теңгені (51 млн АҚШ доллары) құрады. Бас компанияның акционерлеріне тиесілі кезең ішіндегі пайда 104 млрд теңгені (256 млн АҚШ доллары) құрады», - делінген хабарламада.

Түсім динамикасына Brent маркалы мұнайға орташа бағаның бір жылда 39,2%-ға төмендегені, KMG International (KMG I) мұнай трейдингі мен мұнай өнімдерін сату көлемінің азайғаны негізгі кері әсерін тигізді, бұл АҚШ долларына шаққанда теңгенің орташа айырбастау бағамының 6,7%-ға бәсеңдеуімен шамалы өтелді. Отандық газды экспортқа сатудан түскен түсім негізінен, газ экспорты көлемінің азаюы есебінен 3,6%-ға 328 млрд теңгеге (809 млн АҚШ доллары) дейін төмендеді.

2020 жылғы бірінші жартыжылдықтағы өндірістік көрсеткіштер:

· Мұнай және газ конденсатын өндіру деңгейі 3,1%-ға төмендеп, 11 345 мың тоннаны құрады;

· Мұнай және газ тасымалдау сегментіндегі көрсеткіштер 4,2% және 9,8%-ға азайып, 37 329 мың тонна мұнай және 45 172 млн м³ газды құрады;

· Отандық және румын мұнай өңдеу зауыттарында көмірсутек шикізатын өңдеу көлемі 17,1%-ға төмендеп, 8 290 мың тоннаны құрады.

ҚМГ ҚЫТАЙ БАНКІНЕН $114 МЛН ҚАРЫЗ АЛҒАН

Компания қарызы 2020 жылғы 30 маусымда жалпы қарыз 2019 жылғы 31 желтоқсандағы көрсеткішпен салыстырғанда 3,4%-ға ұлғайып, 3 967 млрд теңгені (9 822 млн АҚШ доллары) құрады.

«Бұл ретте, 2020 жылғы 30 маусымда доллармен есептегендегі жалпы қарыз 2019 жылғы 31 желтоқсандағы 10 030 млн АҚШ доллары деңгейіндегі көрсеткішпен салыстырғанда 2,1%-ға төмендеп, 9 822 млн АҚШ долларын құрады.

2020 жылғы қаңтарда Атырау мұнай өңдеу зауыты (АМӨЗ) жаңа өңдеу нысандарын қаржыландыруға The ExportImport Bank of China-дан (Эксим Банк) алған валюталық қарызды қайта қаржыландыру үшін Қазақстан Даму банкінен 46 млрд теңге (114 млн АҚШ доллары) мөлшерінде ұзақ мерзімді қарыз алды.

2020 жылғы мамыр айында ҚТГ соманы 41 млн АҚШ долларды (18 млрд теңге) дисконттық баға бойынша ақша қаражатымен төлей отырып, облигацияларды 43,68 млн АҚШ доллары (18 млрд теңге) жалпы сомасында номиналды құны бойынша мерзімінен бұрын ішінара өтеді», - делінген.

Компанияның салықтар бойынша төлемдері және басқа да міндетті төлемдері 539 млрд теңгені (1 331 млн АҚШ доллары) құрады, бұл 2019 жылдың осындай кезеңіндегі көрсеткіштен 26,4%-ға төмен.