Әншінің фотосуреттері бір сағат ішінде 50 мың лайк жинап үлгерген
Әлемге танымал қазақ әншісі Димаш Құдайберген жұрт алдына жаңа образбен шықты, деп жазады Azattyq Rýhy.
Жаңа фотосессияда түскен суреттерін әлеуметтік желідегі парақшасында жариялаған Димаш өзінің жаңаша келбетімен жанкүйерлерін таңдай қақтырды.
Желіге жүктелгеніне бір сағат өтер-өтпес уақыт ішінде жас әншінің фотосуреттері 50 мың лайк пен 5 мыңнан астам пікір жинап үлгерген.
Суретте Димаш әппақ қарға оранған табиғат аясында қызыл пиджак, қызыл жейде және қара шалбармен тұр. Фотосурет Қазақстанда, әншінің туған қаласы Ақтөбеде түсірілген болуы керек.
«Ассалам алейкум! Күтініп, жылы жүріңіздер», — деп жазады әнші.
