Тоқаев академик Салық Зимановтың 100 жылдығы жайлы жазба қалдырды

Мемлекет басшысы ғалымның ел мүддесі жолында атқарған еңбегі өскелең ұрпаққа үлгі-өнеге екенін айтты

фото: astana-akshamy.kz

Қазақстан Президенті Қасым-Жомарт Тоқаев Twitter желісінде көрнекті ғалым, академик Салық Зимановтың 100 жылдығы туралы жазба қалдырды.

«Бүгін – аса көрнекті ғалым, академик Салық Зимановтың туғанына 100 жыл. Ол егемен еліміздің құқықтық негізін қалыптастыруға және заң саласын дамытуға зор үлес қосты. Салық Зиманұлының ел мүддесі жолында атқарған еңбегі өскелең ғалым ұрпақтарына қашанда үлгі-өнеге», - деп жазды.

Тәуелсіз Қазақстанның құқықтық негізін қалауға бағытталған заңнамалық реформалардың бастауында тұрған, мемлекеттің нығаюына аянбай атсалысқан тұлға Салық Зиманов 2011 жылы 90 жасында қайтыс болды.

Бүгін – аса көрнекті ғалым, академик Салық Зимановтың туғанына 100 жыл. Ол егемен еліміздің құқықтық негізін қалыптастыруға және заң саласын дамытуға зор үлес қосты. Салық Зиманұлының ел мүддесі жолында атқарған еңбегі өскелең ғалым ұрпақтарына қашанда үлгі-өнеге.
— Qasym-Jomart Toqayev (@TokayevKZ) February 19, 2021