Димашты Жапониядағы жанкүйерлері күтіп алды

Токио қаласына барған әнші Димаш Құдайбергенді әуежайдан Қазақстанның туын ұстаған жапон жанкүйерлері айрықша құрметпен қарсы алды, деп хабарлайды  Azattyq Rýhy.

Күншығыс еліне барған сәтінің видеосын Іnstagram парақшасына жариялаған әншінің Жапониядағы жанкүйерлерінің қаншалықты көп екенін көруге болады.

«Жапонияға аман- есен келдік. Концертте көріскенше...», - деп жазады әнші видеоның астына.

Үou tube арнасында да Димашты жапондық dears-тарының қалай күтіп алғаны туралы видео жарияланды. Жанкүйерлері әуежайда Димаштың қазақ тіліндегі әнін шырқап, оның қазақ тілін әлемге танытқысы келген арманын орындап бергендей болды.