«Үш-төрт сағат ерте келіңіздер»: «Қайрат» жанкүйерлеріне үндеу жасады

«Қайрат» футбол клубы жанкүйерлеріне матч алдында үндеу жасап, стадионға ерте келуді сұраған, деп хабарлайды Azattyq Rýhy.

Футбол клубының баспасөз қызметі хабарлағандай, стадион аумағына жанкүйерлер 17:45-тен бастап кіре алады. Дәл осы уақытта ойын алдындағы бағдарлама басталады. Соның ішінде:

• УЕФА мен клуб серіктестерінің интерактив аймақтары
• көңілді барабаншылар шоуы
• жанкүйерлерге арналған тегін аквагрим
• фудкорттағы дәмді тағамдар мен сусындар
• трибунада клуб жалаулары таратылады

«Көрермендерден матч басталғанға дейін 3–4 сағат бұрын келуді сұраймыз. Бұл — стадионға кіреберістегі тексеріс пен бақылаудан өтуге, кезек пен ыңғайсыздықтың алдын алуға көмектеседі. Билетіңіз бен куәлік деректеріңізді алдын ала дайындап қойыңыздар», - деп хабарланған клубының ресми аккаунты.

Айта кетейік, «Реал» мен «Қайрат» арасындағы матч бүгін сағат 21:45-те басталады.