Қазақ қыздары Азия чемпионатында жеңіске жетті

«Жетісу» волейболшылар командасы Филиппинде өткен Азия чемпионатында жеңіске жетті, деп хабарлайды Azattyq Rýhy Vestnik19-ға сілтеме жасап.

Филиппинде волейболдан әйелдер арасындағы «AVC Чемпиондар Лигасы-2025» аяқталды. «Жетісу» командасы финалда Вьетнамның «VTV Bình Định Long An» клубымен кездесіп, айқын басымдықпен жеңді.

Азияның жетекші клубтары арасындағы континенттік чемпионатта Қытай, Вьетнам, Иран, Тайбэй, Гонконг, Тайланд, Австралия және Филиппин клубтары үздіктер қатарынан көрінді.

Айта кету керек, «Жетісу» өз тарихында алғаш рет Азияның басты клубтық кубогын жеңіп отыр. Бұған дейін, 2013 жылы біздің волейболшыларымыз күміс медальді, ал 2014 жылы қола медальді жеңіп алған болатын.