Көкпардан Ұлттық құрама Көшпенділер ойындарына дайындықты күшейтті
Ұлттық құрама Алматы облысында жаттығып жатыр
Астанада өтетін 5 Дүниежүзілік көшпенділер ойындары қарсаңында көкпардан Қазақстан ұлттық құрамасы Алматы облысында оқу-жаттығу жиындарын өткізіп жатыр, деп хабарлайды Azattyq Rýhy Ұлттық спорт қауымдастығының баспасөз қызметіне сілтеме жасай отырып.
Фото: Azattyq Ruhy / Әсет Құндақбаев
Ұлттық құраманың бас бапкері Ақылбай Манкеевтің айтуынша, осы оқу-жаттығу жиыны аясында қыркүйекте өтетін ойындарға қатысатын жылқылар дайындалып жатыр. Барлығы 40 жылқының ішінен мықтылары іріктеледі. Оның сөзінше, команда дайындығы қазір жақсы деңгейде.
Фото: Azattyq Ruhy / Әсет Құндақбаев
Ұлттық құрамаға Қырғызстан мен Өзбекстаннан келген командалар мықты қарсылас бола алады.
Фото: Azattyq Ruhy / Әсет Құндақбаев
«Екі айдан бері 5-ші Дүниежүзілік көшпенділер ойындарына дайындалып жатырмыз. Еліміздің намысын абыроймен қорғаймыз деп үміттенеміз. Осындай маңызды спорттық жарыстың елімізде өтіп жатқаны бізге үлкен жауапкершілік жүктейді. Бірінші оқу-жаттығу жиынында өзіміздің күш-қайратымызға баса мән берсек, енді жылқыларды дайындап жатырмыз», деді көкпардан Ұлттық құрама мүшесі Әділет Мамыт.
