Қазақстандық Мария Агапова UFC-де сәтсіз өнер көрсетті

UFC-дегі алғашқы қазақстандық әйел Мария Агапова (10-5) Денвердегі (АҚШ) UFC on ESPN 59 турнирінде сәтсіз өнер көрсетті, деп хабарлайды Azattyq Rýhy.

Агапова бірінші раундта бразилиялық Луана Сантостан (8-1) жеңіліп қалды. Ол қазақстандықты шалқасынан құлатып, тұншықтыру әдісін қолданды.

Осылайша, Агапова америкалық промоушенде қатарынан үшінші рет жеңіліске ұшырады. UFC-де қазір 2-4 рекордқа ие. Сантосқа қарсы жекпе-жек UFC-мен келісімшарт бойынша соңғы кездесуі болды.

Естеріңізге сала кетейік, жекпе-жек кешінің басты оқиғасы АҚШ-тың бұрынғы чемпионы Роуз Намаюнас пен америкалық Трэйси Кортез арасындағы титулдық емес 5 раундтық жекпе-жек болды.