Қазақстан әуесқойлар арасында Еуропа чемпионатының қола жүлдегері атанды

Қазақстан әуесқойлар арасында шағын футболдан Еуропа-2024 чемпионатының қола жүлдегері атанды. Құрлықтық турнир Сараевода (Босния және Герцеговина) өтті. Бұл туралы Azattyq Rýhy агенттігі Vesti.kz-ке сілтеме жасап хабарлайды.

Қазақстандықтар жартылай финалға дейін жетіп, Румыниядан жеңіліп қалды (пенальти бойынша 1:1, 2:4). 1/2 финалдың тағы бір матчында Сербия Францияны жеңді (5:0).

Үшінші орын үшін кездесуде Қазақстан Франциядан мықты болды (7:2), ал финалда Сербия Румынияны жеңді (пенальти бойынша 1:1, 11:10).

Айта кетейік, алдыңғы Еуроның жеңімпазы – Әзербайжанды ширек финалда қазақстандықтар жеңіп кетті.