Бибісара Асаубаева шахматтан әлем чемпионын жеңді
Чжунъи – әйелдер арасындағы он алтыншы әлем чемпионы
Қазақстандық шахматшы Бибісара Асаубаева Grand Swiss 2023 турнирінде әлем семпионы қытайлық Тан Чжунъиді жеңді, деп хабарлайды Azattyq Rýhy Sports.kz-ке сілтеме жасап.
Асаубаева осы жеңісінің арқасында 4,5/5 ұпай жинап, жарыста көш бастады.
«Мен турнир кестесіне мән бермеуге тырысамын: ойнай білгенімше ойнаймын. Бірақ бүгінгі ойын ерекше болды. Оның бірнеше жүрісінен кейін жағдайым нашарлады деп ойладым, бірақ қалай екенін түсінбедім. Сондықтан мен «окей, егер сен осылай жүрсең, маған әрі қарай не болатынын көрсет» деп ойынымды жалғастыра бердім. Кейін жағдайым қалыпты екенін ұқтым – ақылға қонымсыз, бірақ қалыпты. Сағатта аз ғана уақыт қалғанда тек ең жақсы жүрісті іздеуге тырыстым», – деді Асаубаева ойыннан кейін.
Айта кетейік, Чжунъи – әйелдер арасындағы он алтыншы әлем чемпионы.
