Еуропа-2024: Қазақстан құрамасы Финляндиядан жеңіліп қалды

Azattyq Rýhy

Астанада футболдан Еуропа чемпионатының іріктеу турнирі өтті

Еуропа-2024: Қазақстан құрамасы Финляндиядан жеңіліп қалды
Фото: vseprosport.kz

Астанада футболдан Еуропа-2024 чемпионаты іріктеу турнирінің матчы өтті. Онда Қазақстан құрамасы Финляндия командасын қабылдап, ойынды жеңіліспен аяқтады, деп хабарлайды Azattyq Rýhy.

Алғашқы таймда есеп ашылмады.

 

Екінші тайм басталғаннан-ақ Қазақстан құрамасы шабуылды жиілетуге тырысты. Алайда финляндиялық футболшылардың шабуылы алғашқы таймдағыдан қауіптірек бола бастады. Осылайша, ойынның 78-минутында Финляндия құрамасының ойыншысы Антман Оливер есеп ашып, ойынның алғашқы голын соқты. Есеп 0:1. Қонақтар алға шықты.

Қақпаға жіберілген голдан кейін қазақстандықтар белсенділік таныта бастады. Бірақ бұл нәтиже берген жоқ. Сонымен Қазақстан құрамасы бүгінгі ойынды жеңіліспен аяқтады.

Айта кетейік, осы матч алдында Қазақстан мен Финляндия құрамалары Н тобының көшбасшылары болды. Екі команда да төрт ойыннан 9 ұпай жинады.

Бүгінгі матчтан кейін 10 қыркүйекте Қазақстан құрамасы өз алаңында Солтүстік Ирландияны қабылдайды.

×
Бұл желілік ресурстың ақпараттық өнімдері 18 жастан асқан адамдарға арналған.