Астанада дүниежүзілік денсаулық күніне орай жаппай жүгіруден жарыс өтті

Елорданың Ботаникалық бағында ҚР Денсаулық сақтау министрі Ажар Ғиният, ҚР Мәдениет және спорт вице-министрі Сарсен Құранбек, Дүниежүзілік денсаулық сақтау ұйымының өкілі және Қазақстандағы ДДҰ елдік офисінің басшысы Скендер Сыла қатысқан қысқа қашықтыққа жүгіру акциясы өтті, деп хабарлайды Azattyq Ruhy.

Іс-шараны ашқан ҚР ДСМ басшысы Дүниежүзілік денсаулық күні адамдардың назарын денсаулықты нығайтуға, әлемдегі қауіпсіздікті қолдауға және азаматтардың денсаулық пен әл-ауқатты қорғауға құқықтарын сақтауға назар аударуға бағытталғанын атап өтті.

«Дүниежүзілік денсаулық күнін мерекелеу дене белсенділігі мен саламатты өмір салтын насихаттаумен тығыз байланысты. Бағалау қорытындысы бойынша 2022 жылы ересектердің тек 18%-ы аптасына 150 минуттан артық физикалық белсенділікпен айналысады. Инфекциялық емес ауруларды азайтуда саламатты өмір салтын ұстану, дұрыс тамақтану, физикалық белсенділік, алкогольді, темекі өнімдерін тұтыну сияқты мінез-құлық қауіп факторларының болмауы маңызды», - деді А.Ғиният.

Министр барлығын денсаулығын нығайтуға, профилактикалық скринингтік тексерулерден, вакцинациялаудан уақтылы өтуге шақырды.

«2023 жылы Дүниежүзілік денсаулық күні «Баршаға денсаулық» ұранымен өтеді. Дені сау азаматтар – кез келген елдің басты даму әлеуеті. Дүниежүзілік денсаулық күнін мерекелеу шеңберінде бүкіл республика бойынша ауқымды акциялар, спартакиадалар, мектептерде ашық денсаулық сабақтары, емханаларда ашық есік күндері және басқа да іс-шаралар өтуде», - деп атап өтті ҚР ДСМ басшысы. 

ДДҰ-ның Қазақстандағы елдік офисінің басшысы Скендер Сыла жарысқа қатысушылардың алдында сөйлеген сөзінде Қазақстан Үкіметі қоғамдық денсаулық сақтау саласындағы инновацияларды қолдау үшін зор күш-жігер жұмсайтынын атап өтті.

«Дені сау ұлт» және «Адамдардың денсаулығы мен әл-ауқатын нығайту үшін ауылдық денсаулық сақтауды жаңғырту» ұлттық жобаларын іске асыру жаңа Қазақстанның дамуына өз үлесін қосады. ДДҰ ұйымның негізгі бастамаларының ұлттық жоспарларға интеграциялануын жоғары бағалайды және техникалық және әдіснамалық қолдау көрсетуді жалғастыруға міндеттенеді. Қазақстан Президенті Қасым-Жомарт Тоқаев міндетті әлеуметтік медициналық сақтандыру сапасын жақсартуға, денсаулық сақтау қызметкерлерінің рөлін күшейтуге және олардың құқықтарын қорғауға ерекше назар аударады. Біз сіздің ДДҰ болғанымызды мақтан тұтамыз және денсаулықты нығайту, бейбітшілікті сақтау және осал топтардың игілігі үшін қызмет етуді жалғастырамыз», - деп қорытындылады Скендер Сыла.