Магомед Адиев Қазақстан құрамасының бас бапкері болатынын растады

Azattyq Rýhy

Магомед Адиев қазір қарағандылық «Шахтёрді» жаттықтырады

Магомед Адиев Қазақстан құрамасының бас бапкері болатынын растады
фото: prosports.kz

Қарағандылық «Шахтёрдің» бас бапкері Магомед Адиев Қазақстан құрамасының бас бапкері болатынын растады, деп хабарлайды Prosports.kz сайты Championat.com-ға сілтеме жасап.

«Иә, Қазақстан құрамасының тізгінін ұстадым деп айтуыма болады. Келісімшарт жасалды ма? Әзірше жоқ. Бірақ алдағы күні федерация өкілдерімен кездесуде қол қоямыз деп келістік. Қарағандылық «Шахтёрде» қаламын ба? Келісімшарт жасасқаннан кейін талқылаймыз. «Шахтёр» басшылығымен де, Қазақстан футбол федерациясымен де сөйлесеміз», — деді Адиев.

Магомед Адиев қазір қарағандылық «Шахтёрді» жаттықтырады. Бұған дейін Адиев махачкалалық «Анжи», «Легион Динамо», нижегородскілік «Волга» мен «Чайканы» жаттықтырған.

×
Бұл желілік ресурстың ақпараттық өнімдері 18 жастан асқан адамдарға арналған.