FIFA Катарда өтетін әлем чемпионатының добын таныстырды

Халықаралық футбол федерациясы (FIFA) 2022 жылы Катар елінде өтетін әлем кубогының ресми добын таныстырды. Бұл туралы Azattyq Rýhy FIFA-ның ресми сайтына сілтеме жасап хабарлайды.

Ресми допқа Al Rigga деген атау берілді. Ол араб тілінен аударғанда «саяхат» деген мағынаны білдіреді.

«32 команда. Олардың армандарын жүзеге асыратын бір доп», - делінген FIFA үндеуінде.

Айта кетейік, биыл әлем чемпионаты 21 қараша мен 19 желтоқсан аралығында өтеді.

Қазіргі уақытта мына құрама командалар әлем чемпионатына жолдама алды: Аргентина, Бельгия, Бразилия, Камерун, Канада, Хорватия, Дания, Эквадор, Англия, Франция, Германия, Гана, Иран, Жапония, Корея Республикасы, Марокко, Нидерланд, Катар, Польша, Португалия, Сауд Арабиясы, Сенегал, Сербия, Испания, Швейцария, Тунис.