Қанат Исламның келесі қарсыласы белгілі болды

Орта салмақтағы қазақ боксшы Қанат Исламның (28-0, 22 КО) келесі қарсыласы белгілі болды, деп хабарлайды Vesti.kz.

2022 жылдың 21 қаңтарында Плант-Ситиде өтетін 10 раундтық айқаста Қанат британиялық Джимми Келлимен (25-2, 10 КО) жұдырықтасады.

29 жастағы Келли соңғы рет рет 12 желтоқсанда рингке шығып, отандасы Гарри Мэттьюсті (16-50-3, 2 КО) нокаутқа түсірді. 2015 жылы Джимми бірінші орта салмақта WBO белбеуі үшін Лиам Смитпен (30-3-1, 17 КО) кездесу өткізген, алайда, техникалық нокаутпен жеңілді.

Қанат Ислам соңғы рет Майамиде жекпе-жек өткізіп, эквадорлық Джейсон Минданы (14-4-1, 8 КО) жетінші раундта сұлатқан еді.