Үстел теннисі: Қазақстан спортшылары жарысты қашан бастайды?

Токио Олимпиадасында Қазақстан атынан үстел теннисінен екі спортшы сынға түседі

Анастасия Лаврова, фото: olympic.kz

Үстел теннисінен қазақтандық спортшылардың Олимпиада ойындарын қашан бастайтыны белгілі болды, деп жазады Olympic.kz.

Токио Олимпиадасында Қазақстан атынан екі спортшы сынға түседі. Олар – Анастасия Лаврова және Кирилл Герасименко. Анастасия Лаврова 24 шілде күні Нұр-Сұлтан уақытымен 18:00-де жарысты бастайды. Оның қарсыласы – испаниялық Мария Сяо.

Кирилл Герасименко Олимпиада ойындарындағы бірінші кездесуін 25 шілде күні өткізеді. Ол чехиялық Любомир Янчаржик пен Сауд Арабиясының өкілі Әли Әлхадрави жұбының жеңімпазымен кездеседі.

Мақалада

#Токио Олимпиадасы #үстел теннисі #Токио-2020

Алдыңғы жаңалық

Токио-2020: қазақстандық ескек есуші Владислав Яковлев екінші айналымға өтті