БҚО-да шенеуніктер әйелдерінің шаруа қожалықтарына жер телімін алып берген

Мұны облыстық прокуратура анықтап отыр

Фото: ашық дерек көздерінен

Батыс Қазақстан облысындағы Теректі ауданының шенеуніктері әйелдеріне тиесілі шаруа қожалықтарға жер телімін алып берген, деп хабарлайды Астана телеарнасы.

«Ресми таратылған деректерге сенсек заңсыздыққа жол берген шенеуніктер арасында: Аудан әкімінің орынбасары және жер қатынастары бөлімінің басшысы бар. Олар, қызметіне лайық емес деп танылып, сөгіс алды. Әйелдеріне жер таратқан атқамінерлер жер комиссиясы құрамында болыпты», - делінген арна таратқан хабарда.

Әкім орынбасары осылайша 2400 гектар жерді иеленген. Шенеуніктер былығы дәлелденгенімен жер телімдері мемлекет меншігіне әлі қайтарылмады.