Астанада 38 мыңға жуық мүмкіндігі шектеулі азамат тұрады - олардың 10 мыңы балалар

Астанада 38 мыңнан астам мүмкіндігі шектеулі адам тұрады, оның ішінде 27 мыңы – үлкендер, 10 мыңнан астамы – балалар, деп хабарлайды Azattyq Rýhy әкімдіктің баспасөз қызметіне сілтеме жасай отырып.

Айта кетейік, әкімдікте Әйелдер істері және отбасылық-демографиялық саясат жөніндегі комиссияның отырысы өткен. Қала әкімінің орынбасары Есет Байкеннің төрағалығымен өткен жиынға аудан әкімдерінің орынбасарлары, басқарма басшылары, қоғамдық ұйымдар мен сарапшылар қатысты.

Бүгінде Астанада 38 мыңнан астам мүмкіндігі шектеулі адам тұрады, оның ішінде 27 мыңы – ересектер, 10 мыңнан астамы – балалар.

«Жыл басынан бері Мансап орталығына 535 мүмкіндігі шектеулі жас жұмысқа орналасу үшін жүгінген. Оның 185-і әлеуметтік қорғау шараларымен қамтылды. Нәтижесінде 7 жас тұрақты жұмысқа тұрды, 122 жас қоғамдық жұмыстарға жіберілді, 37 жас «Бастау Бизнес» бағдарламасы аясында оқуын бастап, 3 жас жаңа бизнес-идеяға грант иегері атанды», - деп хабарлайды әкімдік.