«Қоныс құтты болсын!»: Тоқаев Көкшетауда жаңа пәтер алған отбасыны құттықтап, дәмнен ауыз тиді (ВИДЕО)

Бүгін Ақмола облысына жасаған жұмыс сапары кезінде президент Қасым-Жомарт Тоқаев ескі үйінің орнына жаңа пәтер алған отбасыны құттықтап барды, деп хабарлайды Azattyq Rýhy.

Ақорда президентпен сөйлескен тұрғындардың видеосын жариялап, жаңа үйлерді көрсетті.

«Қасым-Жомарт Тоқаев тұрғын үй кешеніндегі пәтерлерді аралап көріп, реновация бағдарламасы аясында жаңа қонысқа көшіп келген отбасылардың бірімен әңгімелесті», - деп хабарлайды Ақорда.

Жаңа пәтерге ие болған жас ананың айтуынша, бұрын олар барак типтес үйде тұрған еді. Енді міне, өзінің айтуынша, кең әрі жаңа үйге ие болған. Президент жас келіншекті қонысымен құттықтап, дәмнен ауыз тиді.