Үкімет жемқорлардан қайтарған ақшаға Шет ауданына жаңа медициналық пункт салып берді

Қарағанды облысы Шет ауданы Еңбекшіл ауылында жаңа медициналық пункт жұмысын бастады. Әлеуметтік нысан кезінде заңсыз иемденілген активтер есебінен салынған, деп хабарлайды Azattyq Rýhy.

Үкіметтің мәліметіне сүйенсек, медициналық пункт 200-ден астам тұрғынға қызмет көрсетуге арналған және заманауи құрал-жабдықтармен жарақтандырылған.

«Қарағанды облысында Арнаулы мемлекеттік қордан бөлінген қаражатқа жоспарланған 51 медициналық мекеменің 24-і салынды, оның 11-і пайдалануға берілді. Қалған 27 нысанның құрылысы жалғасуда. Оларды тапсыру биыл қыркүйек айының соңына жоспарланып отыр», - деп хабарлайды үкімет.