Қазақстандықтар ақшасын көбіне қайда сақтайды

«TengeOnline» телеграм арнасы қазақстандықтар ақшасын  қай банкте, қандай валютада сақтайды деген сұрақтың жауабын іздеген.

Дереккөзіне сүйенсек, 1 мамырда Қазақстандағы жеке тұлғалардың банктердегі депозит  9,8 трлн теңгеге жетіп, жыл басынан бері 548 млрд теңгеге өскен.

«Депозиттердің 74% елдегі ең ірі 5 банкке, атап айтсақ,  Halyk bank (35%), Kaspi Bank (16%), ТҚЖБ (9%), «Сбербанк» ЕБ АҚ (8%), Банк ЦентрКредит (6%) банктеріне салынған», - деп жазады телеграм арнасы.

Сарапшылар сондай-ақ, депозиттердің 56% теңгеде, 44% шетелдік валютада сақталатынын анықтаған.