Мақтаарал тұрғындарына 100 мың теңге көмек беріле бастады
Қазір 6314 адам тиісті құжатын тапсырған
Түркістан облысындағы Жаңатұрмыс, Жеңіс, Фирдауси, Достық, Іргебас елді мекендерінің 6314 тұрғынынан 100 мың теңге жәрдемақы алуға өтініш қабылданды, деп жазады otyrar.kz.
Соның ішінде, 6020 адамның 100 мың теңге көлеміндегі көмекті алуға құқылы екені расталып, ақша жіберу үшін есепшоттары тиісті органдарға өткен. Бұл туралы судан зардап шеккен адамдармен кездесу кезінде облыстық Ассамблея хатшылығының меңгерушісі, Мақтаарал ауданының әлеуметтік мәселелер жөніндегі облыстық штаб жетекшісі Ғани Рысбаков мәлім еткен.
Бұдан басқа, кәсіпкер Усмановтың қоры 5202 отбасыға 1000 доллардан көмек таратады. Жалпы, 13 елді мекендегі 5342 адамнан құжат жиналып, мониторинг 4839 адамға көмек беруге болатынын анықтап берген.
«Қазіргі таңда 1000 доллар көлеміндегі көмек 3 траншпен 3375 отбасының шотына аударылды. Қалған отбасыларға да ақша аударылады», - деп хабарлаған Ғани Рысбаков.
