Астанада 4 мыңнан астам әскери қызметші парадқа дайындалып жатыр (ВИДЕО)
Оның ішінде 200-ден астам қыз-келіншек бар

Астанада Жеңістің 80 жылдығына арналған әскери парадқа дайындық қызу жалғасып жатыр, деп хабарлайды Azattyq Rýhy
«Даладағы лагерьде дайындықтың негізгі кезеңдері аяқталды. 203 шатыр, 11 тірек пункті, тұрмыстық қызмет көрсетуге арналған 12 шатыр, жеті дала монша кешені, далалық аурухана, сондай-ақ көлік паркі мен жабдықтарды жөндеу-қалпына келтіру пункттері орнатылды», - деп хабарлады қорғаныс министрлігінің баспасөз қызметі.
Парадқа қатысушылардың дені қазірдің өзінде елордаға келіп, барлық бөлімшелердің біртұтас күшіне бірігіп, жаттығуларын күшейтіп жатыр.
«Парадқа қатысатын әскерилердің саны 4 мыңнан асады, оның 200-ден астамы – әскери қызметші қыз-келіншектер. Үш жүзден астам әскери және арнайы техника сап түзеп жүріп өтеді. Әуе шеруіне әр түрлі типтегі 66 ұшу аппараты қатысады», - деп хабарлады министрлік.