Адамдар қазақша сөйлегеніме үнемі таңғалады – қазақшаға судай неміс қызы (ВИДЕО)

Қарағанды облысының тумасы Альбина Девивые өзге ұлттың адамы болса да, тек қана қазақ тілінде сөйлеп, қазақтың салт-дәстүрін ерекше құрметтейді, деп хабарлайды Azattyq Rýhy.

Неміс қызының айтуынша, адамдар оның таза қазақша сөйлегеніне үнемі таңдана қарап, қуанып қалады.

«Біз қазақша сөйлеп тұрған кезде «осы алманы алуға бола ма, ағай» деп сұрағанымда маған таңғалып, ұзақ қарап тұрды. Сосын біз бірдеңе болды ма, не болып қалды деп сұрасақ, «қазақша сөйлейсіңдер ме, қандай тамаша, өте керемет, бақытты болыңдар деп жылы тілегін білдірді», - деп еске салды Альбина басынан өткен оқиғаны.