Ойын бизнесін және лотереяны реттеу комитеті азаматтарды онлайн қабылдауды іске қосты

ҚР Туризм және спорт министрлігі Ойын бизнесін және лотереяны реттеу комитеті азаматтармен жедел өзара іс-қимыл жасауға арналған онлайн қабылдау бөлімін іске қосты, деп хабарлайды Azattyq Rýhy ведомствоның баспасөз қызметіне сілтеме жасап.

Жаңа сервис бейіндік мәселелерді талқылау және туындайтын проблемаларды шешу үшін Комитетпен тікелей байланыс орнатуға мүмкіндік береді.

Өтініш беру жолдары:

1. Электронды өтініш. Жүйе өтінішіңіздің мекенжайға жетуіне 100% кепілдік береді және оны жіберу кезеңінен бастап жауапты алуға дейін өтінішті қарау мәртебесін қадағалауға мүмкіндік береді.
2. Қабылдауға жазылу. Ыңғайлы онлайн жазылу бөлімі өтініш берушіге арналған қадамдық нұсқаулықты ұсынып, Комитет басшылығымен кездесуді рәсімдеу үдерісін жеңілдетеді.

Онлайн қабылдау азаматтардың өтінішімен жұмыс істеу барысында ашықтық пен жеделдікті арттыруға, сондай-ақ ойын бизнесі мен лотерея қызметі саласындағы өзара іс-қимылды жақсартуға бағытталған.