Биыл Қазақстанда 14 мыңнан астам адам қандас мәртебесін алған
Қандастардың көбі Қытай елінен оралып жатыр
2024 жылдың басынан бері Қазақстанға 14 391 мың этникалық қазақ көшіп келіп, қандас мәртебесін алған, деп хабарлайды Azattyq Rýhy
«Қазақстанға келген қандастардың 45,8%-ы Қытайдан, 39% – Өзбекстаннан, 5,9% – Моңғолиядан, 5,2% – Түрікменстаннан, 2,9% – Ресейден және 1,2% басқа елдерден көшіп келген», - деп хабарлайды Еңбек министрлігі.
Дереккөзге сүйенсек, көшіп келген қазақтардың жартысынан көбі еңбекке жарамды жаста.
«Еңбекке қабілетті жастағы қандастардың ішінен білім деңгейі бойынша 17,9%-ы жоғары білімді, 24,4%-ы орта кәсіби білімді, 54,4%-ы жалпы орта білімді, және 3,3% білім жоқ», - деп хабарлады министрлік.
Қандастарды қоныстандыру үшін еңбек күші тапшы өңірлер ретінде Ақмола, Абай, Қостанай, Павлодар, Шығыс және Солтүстік Қазақстан облыстары анықталған.
