Алматының 99 жастағы тұрғыны референдумға өзі барып, дауыс берді

Тыл еңбеккері, Алматыдағы Наурызбай ауданының 99 жастағы тұрғыны Камила Қасымова Қазақстанда атом электр станциясын салу мәселесі бойынша республикалық референдумға жеке өзі қатысты, деп хабарлайды Azattyq Rýhy Алматы әкімдігінің баспасөз қызметіне сілтеме жасай отырып.

Камилла Қасымова Қазақ өсімдіктерді қорғау және карантин ғылыми-зерттеу институтында орналасқан №511 референдум учаскесіне барды.

«Бүгін ел үшін тарихи күн. Мен аға буын өкілі ретінде референдумға қатысып, дауыс бердім. Бұл біздің балаларымыз бен немерелеріміздің болашағы үшін өте маңызды», - деді кейуана. 

Естеріңізге сала кетейік, 6 қазанда Қазақстан аумағында АЭС салу мәселесі бойынша республикалық референдум өтіп жатыр. Алматы әкімі Ерболат Досаев жұбайымен бірге №48 мектеп-лицейдегі  №388 референдум учаскесіне келіп, алғашқылардың бірі болып дауыс беруге қатысты. Алматылықтар тұрғылықты жері бойынша референдум учаскелеріне барып, сағат 20.00-ге дейін дауыс бере алады.