Қожа Ахмет Яссауи кесенесінің күзетшісі ағылшынша жетік сөйлеп көпшілікті тәнті етті (ВИДЕО)

Қожа Ахмет Яссауи мавзолейінің күзетшісі шетелдіктерге ағылшын тілінде гид болып қызмет көрсетті. Оның видеосы желіге тарады, деп хабарлайды Azattyq Rýhy.

Күзетші шетелдік қонақтарға кесене ішіндегі тайқазанды таныстырып, оған адамдардың садақа тастайтынын түсіндірген.

«Қытайдағы кейбір ғибадатханаларға барып, ақша тастап, тілек тілейсіз ғой, сол сияқты бұл жерге де адамдар көп келеді», - дейді күзетші.

«Е, қасиетті бизнес деңізші», - дейді өздерінше түсінген шетелдіктер.

Қожа Ахмет Ясауи кесенесі – Түркістан қаласында XIV ғасырдың соңында тұрғызылған архитектуралық ғимарат. Оның ішінде әйгілі қолбасшы Әмір Темірдің тапсырысымен жасалған алты ғасырлық тарихы бар қасиетті алып қазан – Тайқазан орналасқан.