«Есірткі, діни әдебиет, қару»: 1 айда заң бұзғаны үшін 5 мыңға жуық адам ұсталды

ҰҚК Шекара қызметі шекарада заң бұзғаны үшін тамыз айында 4 985 адамды ұстады, деп хабарлайды Azattyq Rýhy.

Олардың ішінде 36 шетел азаматы бар.

Мемлекеттік шекара арқылы 1 746 заңсыз алып өту фактілерінің алды алынды, соның ішінде:

• 48 – есірткі заттары;
• 103 – ату қаруы мен оқ-дәрілер (11 түрлі мылтық пен тапанша, 99 бірлік суық қару, 464 оқ-дәрі);
• 27– діни әдебиет (492 дана);
• 664 – жалпы сомасы 108 млн теңгеден асатын жанар-жағар май материалдары (107 000 литрден астам);
• 729 – жалпы сомасы 3,5 млрд теңгеден астам халық тұтыну тауарлары;
• 175 – жалпы сомасы 1,6 млрд теңгеден астам валюта.

Сонымен қатар, Каспий акваториясында 9 браконьерлік фактілерінің алды алынды.

«Алды алынған залал сомасы 19,4 млн теңгені құрайды. Бұл фактілер бойынша материалдар бұзушыларды жауапкершілікке тарту үшін құқық қорғау және сот органдарына жіберілді», - деп хабарлады ҰҚК.