Талдықорғанда мүгедектігі бар 261 бала инклюзивті білім алмаған

Жетісу облысында кәмелетке толмаған балалардың құқықтары қорғалды, деп хабарлайды Azattyq Rýhy.

Талдықорған қаласының прокуратурасы мүмкіндігі шектеулі балаларды инклюзивті оқыту саласындағы заңдылықтың сақталуына талдау жүргізді.

Прокурорлар стационарлық емделу кезеңінде мүмкіндігі шектеулі 261 баланың инклюзивті білім алмағанын анықтады. Осыған қарамастан мұғалімдерге 2 251 833 теңге төленген.                                                

«Қадағалау актісі бойынша бұрын білім алмаған балалар білім беру процесіне қайта қосылып, қажетті білім алды», - деп хабарлады прокуратура.

Мемлекет кірісіне 2 251 833 теңге өтелді.