Қазақстанда 13,8 мыңнан астам шетел азаматы жұмыс істейді

2024 жылғы 1 тамыздағы жағдай бойынша жергілікті атқарушы органдардың рұқсатымен Қазақстан аумағында 13 835 шетел азаматы еңбек етеді, деп хабарлайды Azattyq Rýhy.

Қазіргі уақытта Қазақстанда шетелдік жұмыс күшін пайдаланатын 1 806 жұмыс беруші бар. Оларда 428,3 мыңнан астам Қазақстан азаматы жұмыс істейді, бұл қызметкерлердің жалпы санының 96,8% - ы.

Шетелдіктер ең көп жұмыс істеп жүрген сала:

• Құрылыс – 4 825 адам
• Ауыл, орман және балық шаруашылығы – 1 895 адам
• Әкімшілік және көмекші қызметтер – 1 577
• Тау-кен өнеркәсібі және карьерлерді қазу – 1 377 адам
• Өңдеу өнеркәсібі – 1 351 адам.

Еңбек мигранттары келетін негізгі елдер: Қытай – 4 248 адам, Өзбекстан – 1 956 адам, Түркия – 1 146 адам, Үндістан – 1 066 адам.