Түркістан облысында жалған жиһаз жасаушы 4 миллион теңгеге алаяқтық жасаған

Түркістан облысының Шардара қаласында полиция қызметкерлері алаяқтық ісіне қатысы бар 37 жастағы ер адамды ұстады. Тергеу барысында ер адамның жиһаз жасаймын деп, жеті тұрғынды алдағаны анықталды, деп хабарлайды Azattyq Rýhy облыстық полиция департаментіне сілтеме жасап.

Жәбірленушілердің бірі жиһаз жасатпақшы болып, жарнамалық сайт арқылы бейтаныс ер адаммен байланысқан.

Күдіктімен келісімшарт жасасып, алдын ала 600 000 теңге алған алаяқ, кейін сатып алушымен байланысын үзіп, уәдесін орындамаған.

«Күдіктінің осындай тағы да жеті алаяқтық әрекеті анықталып, жалпы келтірілген шығын көлемі 4 миллион теңгені құрады. Қазіргі уақытта күдіктінің ісі сотқа жіберілді», - делінген хабарламада.