Павлодар облысында 907 мас жүргізуші ұсталды (ВИДЕО)

Павлодар полицейлері бір тәулікте 10-ға жуық мас жүргізушіні тоқтатты, деп хабарлайды Azattyq Rýhy.

«Баянауыл ауданында жүргізуші орташа мас күйінде автокөлікті жүргізген, бұл ретте салонда екі бала және екі ересек жолаушы болған. Жүргізушінің жағдайын біле отырып, оны ешкім тоқтатпаған. Көлік коммуналдық тұраққа қойылды. Жүргізушінің тәртібі сотта қаралды, онда сот шешімімен жүргізуші 7 жыл мерзімге жүргізуші куәлігінен айырылды. Сот әйел жүргізушінің асырауындағы кәмелетке толмағанын назарға алды, осыған байланысты қамауға алынбады», – деді Павлодар облысы Баянауыл ауданы полиция бөлімі бастығының міндетін атқарушы Нығметолла Қаббасов.

Ал Mazda маркалы автокөліктің жүргізушісі мас күйінде Жасыбай демалыс аймағынан аудан орталығына қарай шыққан.

«Салонда оның жас ұлы болды. Медициналық куәландыру жүргізушінің орташа дәрежеде мас болғанын көрсетті, бұл ретте оның жүргізуші куәлігі болмаған. Жүргізуші жауапкершілікке тартылып, автокөлік коммуналдық тұраққа қойылды», - деді Қаббасов.

Сот шешімімен жүргізуші 20 тәулік мерзімге әкімшілік қамауға алынды.

Жыл басынан бері Павлодар облысында көлік құралдарын мас күйінде жүргізген 907 жүргізуші жауапкершілікке тартылды.