Түркістанда 68 жастағы қария қайталап қылмыс жасады

Жетісайлық полицейлер жедел-іздестіру іс-шаралары барысында ұрлық қылмысына қатысы бар деген айыппен бұрын сотты болған 68 жастағы күдікті қарияны қолға түсірді, деп хабарлайды Azattyq Rýhy облыстық ПД-ға сілтеме жасап.

Анықталғандай, егде жастағы қария тал түсте олжа іздеп, күндізгі уақытта қылмыстық оймен бөтеннің үйіне заңсыз кірген. Яғни құлыптанбаған есік арқылы ұрлыққа түскен.

«Үйдің кіреберісінен құны 50 мың теңге тұратын велосипедті жымқырып, іздерін суытқан. Тәртіп сақшылары дер кезінде қолды болған велосипедті тәркілеп, заңды иесіне қайтарды. Қазіргі таңда ұсталған күдіктіге қатысты тергеу амалдары жүргізілуде», - делінген хабарламада.