Алматының Әуезов ауданында 18 көше жөнделеді
Бұл туралы қала әкімі мәлімдеді
Алматының Әуезов ауданында 18 көше жөнделеді, деп хабарлайды Azattyq Rýhy.
Жол-көлік инфрақұрылымын дамыту жұмыстары туралы Алматы әкімі Ерболат Досаев айтып берді.
«Егер өткен жылы ауданның ұзындығы 11,4 км болатын 12 көшесіне орташа жөндеу жүргізілсе, биыл ұзындығы 13,3 км болатын 18 көшеге орташа жөндеу жұмыстары жүргізіліп, Жандосов, Өтеген батыр, Серегин, Ақжайнақ, Пятницкий, Трудовая көшелерінде жұмыстар басталды. Жөндеу аясында аудан әкімдігі бүгінгі таңда 30 мың шаршы метр жол төсемі мен тротуарларды қалпына келтірді, жыл соңына дейін тағы 17 мың шаршы метр қамтылады», - деді Досаев.
Жалпы, Әуезов ауданына 85 маршрут қызмет көрсетеді, автобустардың желіге жоспарлы шығуы 1439 бірлікті құрайды, орташа аралығы 8-9 минут, деді әкім.
Қоғамдық көлік жұмысының сапасын арттыру мақсатында 2024 жылы автобустар санын 343-тен 416 бірлікке дейін ұлғайта отырып, 21 маршрутта жылжымалы құрам жаңартылды.
Еске салайық, бүгін Медеу ауданында жолаушылар автобусы жеңіл көлікпен соғысып, 2 адам мерт болды.
