Қазақстан азаматшасын Үндістандағы клиниканың санитары зорлады - The Times of India

Қазақстан азаматшасы қызымен бірге Үндістанға операция жасау үшін барған. Ол ем алған жеке клиникада зорлық-зомбылық оқиғасы орын алды, деп хабарлайды Azattyq Rýhy Times Of India-ға сілтеме жасап.

50 жастағы қазақстандық қызымен бірге өткен жұмада Үндістанға ұшып барған. Екі күннен кейін әйелге операция жасалды, содан кейін палатаға ауыстырылған.

Науқастың айтуынша, 25 жастағы санитар Тхакур Сингх әйелдің жөргегін ауыстырған кезде алдымен оған заңсыз қол тигізген. Ол санитардың бұл әрекетін дұрыс түсінбедім бе деп ойлағанын айтады. Алайда сол күні санитар әйелге бірнеше рет шабуыл жасап, зорлық-зомбылық көрсетті.

Әйел бұл сұмдықты қызына айтып берген. Содан кейін науқастың қызы полиция мен емхана басшылығын шақырған.

Гургаон қаласының прокуратурасы тергеу амалдарын бастады. Санитар қамауға алынды, клиника оны жұмыстан шығарды. Құқық қорғау органдары зорлау фактісі бойынша қылмыстық іс қозғады.