17.07.2024, 16:10
Қоғам
Жетісу облысындағы балабақшада бұрын сотталған 11 адам жұмыс істеген
Ақсу ауданының 8 балабақшасында ішек таяқшалары табылды

Фото: depositphotos.com
Жетісу облысының балабақшаларында бұрын қасақана қылмыс жасағаны үшін сотталған 11 адам жұмыс істеген, деп хабарлайды Azattyq Rýhy.
Облыс прокуратурасы білім беру мекемелерінде 200-ден астам бұзушылықты анықтады.
Мәселен:
- Кербұлақ ауданының балабақшаларында жалпы сомасы 25 млн теңгеден астам бюджет қаражатын жымқыру фактілері анықталды. Сотқа дейінгі тергеу басталды.
- Ақсу ауданының 8 балабақшасында ішек таяқшалары табылды.
- Ақсу, Сарқан аудандары мен Текелі қаласының 9 балабақшасы өз қызметін мерзімі өткен санитарлық қорытындылар негізінде жүзеге асырды. Ал кейбір жағдайларда мерзімі өткен медициналық препараттар сақталған.
- Алакөл, Ескелді және Сарқан аудандарының жеті балабақшасында бейнебақылау камераларының көпшілігі жұмыс істемейді.
- Панфилов ауданының 55 жеке балабақшасында «Шақыру дабыл түймесі» жүйесі жоқ. 40 балабақшада өрт қауіпсіздігін хабарлау жүйесі жұмыс істемейді, ал екі балабақшада олар мүлдем болмады.
- Сарқан және Алакөл аудандарындағы екі балабақшаның аумағы толық қоршалмаған, бұл бөгде адамдардың балабақшалар аумағына кедергісіз кіруіне мүмкіндік берді.
- Сарқан, Қаратал және Панфилов аудандарындағы 12 балабақшаның жанында жаяу жүргіншілер өткелдері мен «Балалар» белгілері жоқ.
«Барлық анықталған бұзушылықтарды жою туралы 22 қадағалау актісі енгізілді, 40 адам әкімшілік жауапкершілікке, 7 адам тәртіптік жауапкершілікке тартылды», - деп хабарлады прокуратура.
Серіктес жаңалықтары
Көп оқылған
28.08.2025, 12:25
«Саған ғашықпын»: Алматы облысында 8 жасар қыз өгей әкесінің айуандық әрекетін видеоға түсіріп алды
28.08.2025, 08:01
Түркістанда ер адам жүкті әйелінің ішін ұстаған фельдшерді ұрып-соғып, ауруханаға түсірді (ВИДЕО)
28.08.2025, 15:16
Алматыда іздеуде жүрген 9 адам ұсталды
28.08.2025, 15:20
Блогер Жанабыловтың көлік ұтысына қатысты ісі сотқа жетті
28.08.2025, 13:47
Қарағанды облысында 75 жастағы қариядан бір мөшек есірткі табылды
Редактордың таңдауы
26.08.2025, 13:50
Астанада бес бала адасып кеткен: бұған Ұлттық ұланның қандай қатысы бар