Алматы облысында суға батып бара жатқан баланы құтқарған азамат марапатталды

10 шілдеде Серікжан Ботан суға батып бара жатқан кішкентай баланы құтқарып, нағыз батылдығын көрсетті, деп хабарлайды Azattyq Rýhy облыстық полиция департаментіне сілтеме жасап.

Алматы облысы полиция департаментінің бастығы Бауыржан Әленов біздің батырға алғыс хат пен естелік сыйлық табыстады.

«Керемет тәрбие беріп, осындай елжанды, намысшыл нағыз батырды өсірген ата-анасына ерекше құрмет көрсеткім келеді. Себебі, бөтен біреудің өмірін құтқару үшін өз-өзіне қауіп төндіру – әркімнің қолынан келе бермейді. Бұл ең үлкен құрметке лайық», – деп атап өтті Б. Әленов.